طريقة اللعب: إختار إما أرقام أو حروف. لما النُقط تظهر إضغط عليهم على حسب التسلسل. كل لما تضغط على نقطة هتسمع الكلمة وهتشوف جزء من الصورة. لما تضغط على آخر نقطة هتشوف الصورة كاملة وهتسمع إسم الحاجة اللى فى الصورة. فى المرحلة دى تقدر تلوّن الصورة عن طريق الضغط على زراير الألوان اللى هتظهر لك. ممكن تبدأ صورة تانية عن طريق الضغط على الأرقام أو الحروف تانى.
هنتعلم إيه: التمرين ده هيساعد التلميذ على تعلم الحروف الأبجدية أو الأرقام بالترتيب. وكمان فيه مراجعة على أسماء الأشياء والألوان.
إزاى ممكن نستفيد من التمرين: إضغط على النقطة وفى نفس الوقت قول الحروف الأبجدية أو الأرقام. إضغط على الألوان وقول إسم كل لون.
تمارين جماعية: أول واحد هيقول أول حرف أو أول رقم. أمشى على شكل دائرة وإطلب من كل تلميذ إنه يقول الحرف أو الرقم الجاى. شاور على حرف أو رقم وإطلب من كل واحد يقول الكلمة. أكتب الأرقام أو الحروف على كارت. إدّى كل تلميذ كارت وإطلب منهم يرتبّوا نفسهم على حسب ترتيب الأرقام أو الحروف. لو فيه تلميذ واحد بس, أطلب منه إنه يرتب الكروت.
