طابقوا الصور اللى على الشمال مع الصورة اللى على اليمين.
طريقة اللعب: اضغطوا على أى صورة علشان تسمعوا الكلمة. اسحبوا الصورة من الشمال للصورة من اليمين, أو للمكان المناسب. على سبيل المثال, فى الصور الخاصة بحالة الجو, ممكن سحب صورة الشمسية لصورة المطر. بعد مطابقة كل الصور, اضغطوا على السهم علشان تلعبوا تانى. هنتعلم إيه: التمرين ده بيشجع الطفل على التفكير المنطقى وعلى الربط بين العناصر. كمان الأطفال هيتعلموا الكلمات الموجودة فى الألعاب. إزاى ممكن نستفيد من التمرين: كرّروا الكلمات فى نفس الوقت مع الكمبيوتر. تمارين جماعية: حاولوا تطابقوا الصور. إدّوا كل واحد صورة واطلبوا منه إنه يطابقها مع صورة تانيه. كل طفل ممكن يقول إسم الصورة اللى معاه. لو كان فيه تلميذ واحد بس أو عدد تلاميذ قليل, حطّوا الصور على تربيزة واطلبوا من التلاميذ مطابقة الصور, وكمان اطلبوا منهم إنهم يقولوا إسم الصورة.
