طريقة اللعب: فيه ١٢ قطعة زينة مستخبين فى شجرة الكريسماس. حرّكوا الماوس واضغطوا لما مؤشر الماوس يبقى على شكل إيد. بعد لما تلاقوا كل قطع الزينة , الشجرة هتّنور. اضغطوا على الزرار الأحمر علشان تلعبوا تانى.
هنتعلم إيه: التمرين ده هيساعد التلاميذ على تعلم العدّ. هيتعلموا إن الأرقام لها معنى, وهو عدد الأشياء اللى بيعدّوها. التلاميذ يقدروا يعملوا التمرين ده من غير مايعرفوا اللغة. علشان كده التمرين ده بيعتبر تمرين كويس لتعلم الأرقام.
إزاى ممكن نستفيد من التمرين: عدّوا سوا مع التمرين. وبعدين حاولوا تعدّوا قبل ماتضغطوا على الزرار. كرّروا الأرقام اللى بتسمعوها.
تمارين جماعية: بعد ماتخّلصوا التمرين ده, عدّوا حاجات تانية زى مثلاً أقلام رصاص أو كتب. لو فيه مجموعة تلاميذ, ممكن تطلبوا من كل تلميذ إنه يقول رقم وبعدين التلميذ اللى بعده يقول الرقم اللى جاى. ممكن كمان تطلبوا من التلاميذ إنهم يعدّوا كام تلميذ موجودين.
