إختار لون, وبعدين إضغط على الهدوم علشان تغيّر اللون.
طريقة اللعب: إضغط على واحد من الألوان علشان تختار لون. وبعدين إضغط على أى قطعة ملابس علشان تغير لونها. خلّى بالك, فيه شوية مفاجآت: أحياناٍ الأشخاص اللى فى الصورة هيكون ليهم تعليق على اللون اللى إختارته لهم.
هنتعلم إيه: أغلب اللغات فيها مذكر ومؤنث. والكلمات بتكون على صيغة المفرد والجمع. علشان كده اللون اللى هتختاره لازم يطابق الكلمة فى النوع والعدد. وكما خلّى بالك من ترتيب الكلمات لأنه إحتمال يكون مختلف عن لغتك الأصلية.
إزاى ممكن نستفيد من التمرين: فى الأول إضغط على كل زرار علشان تتعلم الألوان. وبعدين إعمل كل الهدوم بنفس اللون. لاحظ التغيير فى الحروف وفى طريقة النطق. كرّر كل كلمة أو عبارة بتسمعها. بعد ماتجرّب كل الألوان, حاول تنطق الكلمات قبل ماتضغط عليهم.
تمارين جماعية: الأول, لوّن الهدوم باللون الأبيض وإطبع نسختين أو ثلاثة لكل تلميذ. حرّك الكمبيوتر بحيث إن التلاميذ مايقدروش يشوفوا اللى على الشاشة, وبعدين إختار لون. كل تلميذ لازم يختار الكريون المطابق للون. الأطفال ممكن يلونوا الصورة بنفس اللون اللى هيسمعوه. إدّى لكل طفل دور علشان يضغط على زرار ويختار لون.
