طريقة اللعب: اضغطوا على أى صورة علشان تسمعوا الكلمة. اضغطوا على السهم الأخضر علشان تسمعوا كل إشارة. اسحبوا كل صورة من الصور اللى فوق للمربع الصح تحت. بعد ماتحطّوا كل الصور فى مكانهم, اضغطوا على العلامة الحمره علشان تعرفوا إن كانت إجابتكم صح ولاّ غلط. بعد كده ممكن تضغطوا على أى صورة علشان تسمعوا وصفها بالكامل. اضغطوا على الزرار الأحمر الصغير علشان تلعبوا تانى. هنتعلم إيه: الطفل لازم يفهم التلميحات علشان يقدر يحّل اللغز. التمرين ده هيساعد الطفل على تنمية التفكير المنطقى. إزاى ممكن نستفيد من التمرين: كرّروا الكلمات اللى بتسمعوها. بعد ماتلعبوا مرة واحدة, حاولوا تكرّروا الجمل قبل ماتسحبوهم لأماكنهم. تمارين جماعية: اطلبوا من كل طفل إنه يعمل لغز عن طريق الرسم أو عن طريق لصق حاجات مختلفة مع بعض. ماتخلوش أى حد يشوف الصورة, وبعدين قولوا تلميحات للأطفال علشان يقدروا يحّلوا اللغز.