Hello-World

إختار اللون وبعدين إضغط على أى صورة علشان تغير اللون وتسمع الكلمة.

طريقة اللعب: إضغط على أى زرار من زراير الألوان علشان تختار لون. وبعدين إضغط على صورة من الصور علشان تغير لونها.

هنتعلم إيه: أغلب اللغات فيها صيغة المذكر والمؤنث. وكمان الكلمات فيهم صيغة المفرد والجمع. وعلشان كده صيغة اللون لازم تناسب صيغة الكلمة. كمان إنتبه لترتيب الكلمات فى الجملة لأن إحتمال يكون مختلف عن لغتك الأصلية.

إزاى ممكن نستفيد من التمرين: إبدأ بالضغط على كل زرار علشان تتعلم الألوان. وبعدين خلّى كل الصور بنفس اللون. إنتبه لأختلاف طريقة كتابة ونطق الكلمة. كرّر كل كلمة أو عبارة بتسمعها. بعد ماتجرّب كل الألوان حاول تقول الكلمات قبل ماتضغط عليهم.

تمارين جماعية: الأول, لوّن الصور باللون الأبيض وإطبع نسختين أو ثلاثة لكل تلميذ. حرّك الكمبيوتر بحيث إن التلاميذ مايقدروش يشوفوا اللى على الشاشة, وبعدين إختار لون. كل تلميذ لازم يختار الكريون المطابق للون. وبعدين إضغط على صورة. الأطفال ممكن يلونوا الصورة بنفس اللون اللى هيسمعوه. إدّى لكل طفل دور علشان يضغط على زرار ويختار لون.