اتعلموا الشهور, أيام الأسبوع وفصول السنة. فيه كمان أسماء أعياد كتيرة.
طريقة اللعب: من فضلكم أتأكدوا إن ساعة الكمبيوتر مظبوطة. ده مهم لأن اللعبة هتختار التاريخ الحالى وهتسمعوا على سبيل المثال "النهارده الأحد". كمان فيه زراير لبكره, بعد بكره, إمبارح, أول إمبارح. لو شفتم صورة ده معناه إن فيه عيد فى التاريخ ده. لما تضغطوا على الشبكة اللى على النتيجة هتسمعوا التاريخ والصورة هتظهر على الناحية الشمال من فوق. اضغطوا على الصورة علشان تسمعوا إسم العيد.
ابتدوا اللعبة بحاجة واحدة بس. اضغطوا على أيام الأسبوع اللى موجودة فى الجزء العلوى. اضغطوا على كل يوم من أيام الشهر علشان تسمعوا التاريخ.
هنتعلم إيه: الأيام, الشهور, وفصول السنة, وطريقة قرأة التاريخ. وفيه كمان أسماء أعياد كتيرة علشان الطفل يتعرّف على ثقافة البلد.
إزاى ممكن نستفيد من التمرين: اضغطوا على كل صورة علشان تشوفوا بعض التواريخ. دوّروا على تاريخ عيد الحب, أو اطلبوا من الطفل إنه يدّور على تارخ ميلاده.
كرّروا الجُمل اللى بتسمعوها.
تمارين جماعية: بعد ماتخّلصوا التمرين, اطلبوا من الطفل إنه يعمل نتيجة الشهر على ورقة (أو اطبعوا الصفحة من على الكمبيوتر) ويكتب التواريخ المهمة الخاصة بعيلته. اتكلموا مع الطفل على الأعياد. دّوروا على أقرب عيد جاى وأقروا عنه. اعملوا زينة للعيد.
